NDI-ის კვლევის მიხედვით, გამოკითხულთა ყველაზე დიდი წილი (41%) მიიჩნევს, რომ რუსეთი, სამხედრო ძალის თვალსაზრისით, ამერიკის შეერთებულ შტატებზე ძლიერია. აშშ რუსეთზე ძლიერი კი გამოკითხულთა მესამედზე მეტს - 36 პროცენტს მიაჩნია. ეს ორი ქყვეყანა თანაბარი ძალის ჰგონია გამოკითხულთა 15 პროცენტს, "არ ვიცი" კი - 8 პროცენტმა უპასუხა.

რუსეთის სიძლიერეში დარწმუნებული მოსახლეობის ყველაზე დიდი წილი (55%) უმცირესობებით დასახლებულ ადგილებშია, ყველაზე ნაკლები წილი (35%) კი - თბილისში. აშშ-ს სიძლიერის ყველაზე დიდ წილს (48%) თბილისში სჯერა, ყველაზე ნაკლებს (18%) - ეთნიკური უმცირესობებით დასახლებულ ადგილებში.

ფოტო: ფოტო პრეზიენტაციიდან / NDI

UK aid-ის ფინანსური ხელშეწყობით კვლევა NDI-ის დაკვეთით CRRC საქართველომ ჩაატარა. წარმომადგენლობითი შერჩევით (ოკუპირებული ტერიტორიების გარდა) კვლევა 29 ნოემბრიდან 19 დეკემბრამდე პერიოდში ჩატარდა, პირისპირ ინტერვიუთი გამოიკითხა 2 298 ადამიანი (გამოპასუხება 48%). კვლევაში მონაწილე პირები შემთხვევითი შერჩევის მეთოდით შეირჩნენ, ცდომილება კი - 1,9 პროცენტია.