რუსთავში, ე.წ. სტამბოლის ბაზრობაზე მოკლული პირი, ყოფილი პარლამენტარი, სამსონ ქუთათელაძეა.

რუსთავის პოლიციის სამმართველოს უფროსის, თამაზ მეშველაშვილის განცხადებით, ბაზრობის დირექტორის ცხედარი მის კაბინეტში იპოვეს. ქუთათელაძეს სასიკვდილო ჭრილობა ცეცხლსასროლი იარაღით აქვს მიყენებული.

შინაგან საქმეთა სამინისტროს ცნობით, გამოძიება სისხლის სამართლის კოდექსის ორი მუხლით მიმდინარეoბს. 108-ე მუხლით, რომელიც განზრახ მკვლელობას და 236-ე მუხლით, რომელიც ცეცხლსასროლი იარაღის მართლსაწინააღმდეგო შეძენა-შენახვას გულისხმობს.

სამსონ ქუთათელაძე 2004-2006 წლებში ეროვნული გვარდიის სარდალი, 2008–2012 წლებში კი საქართველოს VII მოწვევის პარლამენტის წევრი და თავდაცვის და უშიშროების კომიტეტის თავმჯდომარის მოადგილე იყო.