საქართველოს პრემიერ-მინისტრის, გიორგი კვირიკაშილის თქმით, სახელმწიფომ და ექიმებმა ყველაფერი გააკეთეს პანკისში სპეცოპერაციის დროს დაჭრილი თემირლან მაჩალიკაშვილის გადასარჩენად. ამის შესახებ პრემიერმა მთავრობის სხდომის დაწყებამდე განაცხადა.

"მინდა, ასევე, ჩემი პატივისცემა დავუდასტურო ჩვენს ქისტ თანამემამულეებს, რომლებმაც საუკუნეების განმავლობაში, თავიანთი დამოკიდებულებით, არაერთხელ დაამტკიცეს საქართველოსა და მისი ინტერესების ერთგულება. ამ სიმტკიცეში არავის შეაქვს ეჭვი და გარწმუნებთ, რომ აქ ბზარის შეტანა შეუძლებელია", - აღნიშნა პრემიერმა და დასძინა, რომ სამძიმარს უცხადებს მაჩალიკაშვილის ოჯახს.

პრემიერის თქმით, საქართველო ყველაფერს აკეთებს მსოფლიოს მნიშვნელოვანი გამოწვევის - ტერორიზმის თავიდან ასარიდებლად და რამდენიმე სპეცოპერაციაც ჩაატარდა, რომელსაც ერთი სპეცრაზმელის სიცოცხლე შეეწირა, ოთხი კი დაიჭრა.

გაიგეთ მეტი ტერორიზმის საქმეზე ჩატარებულ სპეცოპერაციებზე.