საქართველოს ფინანასთა სამინისტროს საგამოძიებო სამსახურის თანამშრომლებმა ყალბი ფულის დამზადება-გასაღების ფაქტზე ერთი პირი დააკავეს.

საგამოძიებო სამსახურის ინფორმაციით, ბრალდებულმა 3 300 ერთეულზე მეტი ყალბი ერთლარიანი მონეტა დაამზადა, რომელიც ქალაქ თბილისში განთავსებული სწრაფი ჩარიცხვის აპარატებით გაასაღა.

საგამოძიებო მოქმედებების შედეგად ამოღებულია ყალბი მონეტები, მონეტების დასამზადებლად საჭირო მასალა, ყალიბი და ხელსაწყოები.

გამოძიება სისხლის სამართლის კოდექსის 212-ე მუხლის პირველი და მეოთხე ნაწილებით მიმდინარეობს, რაც სასჯელის სახით ითვალისწინებს თავისუფლების 4-დან 7- წლამდე ვადით აღკვეთას.