შემდეგ თვეში ჰოლივუდის უცხოური პრესის ასოციაცია, ბევერლი ჰილტონში, ოქროს გლობუსის რიგით 75-ე ცერემონიას ჩაატარებს.

გამომდინარე იქიდან, რომ 2017 წელი ჰოლივუდისთვის საკმაოდ მძიმე იყო, ყველაზე განხილვადი თემები კი სექსიზმი, ბულინგი და სექსუალური შევიწროვება აღმოჩნდა, ამერიკული კინემატოგრაფის ყველაზე გავლენიანმა ქალმა მსახიობებმა გადაწყვიტეს ამ ყველაფრის მიმართ პროტესტის ნიშნად ცერემონიაზე შავი კაბები ჩაიცვან და ამ გზით კიდევ ერთხელ დააფიქსირონ საკუთარი პოზიცია.

როგორც მოსალოდნელი იყო ამ იდეას ქალ მსახიობებთან ერთად კაცებიც შეუერთდნენ და გადაწყვიტეს, რომ ღონისძიებას ისინიც შავი ტანსაცმლით დაესწრებიან.

როგორც ვარსკვლავების ცნობილი სტილისტი ილარია ურბინატი ამბობს, მას რამდენიმე მსახიობმა კაცმა უკვე სთხოვა ცერემონიისთვის შავი სმოკინგის შერჩევა.

"უკვე ძალიან ბევრმა მკითხა, ამიტომ ხმამაღლა ვიტყვი, რომ დიახ, ოქროს გლობუსს კაცი მსახიობებიც შავი სმოკინგებით დაესწრებიან. ეს იქნება მათი პროტესტი სექსიზმისა და ქალების მიმართ ძალადობის წინააღდეგ", - ამბობს ილარია.

გაიგეთ მეტი: ოქროს გლობუსი 2018