ლიბერთი და ქართუ ბანკები შესაძლოა გაერთაინდნენ. როგორც On.ge-ს ლიბერთი ბანკის პიარსამსახურმა განუმარტა, ბანკის დირექტორის თქმით, ეს საკითხი ჯერ მხოლოდ იდეაა.

ბანკების მფლობელების შესაცვლელად ეროვნული ბანკების თანხმობაა საჭირო. ეროვნული ბანკის პრესსამსახურმა On.ge-ს უთხრა, რომ ბანკების გაერთიანებასთან დაკავშირებით მათთვის ჯერ არავის მიუმართავს.

ოქტომბერში ლიბერთი ბანკის აქციების 74,64 პროცენტი ნიდერლანდებში დაფუძნებულმა კომპანიამ EFG-მა (European Financial Group B.V) იყიდა. ბანკის მთავარი ბენეფიციარი მესაკუთრეები გახდნენ: ირაკლი რუხაძე (აშშ-ის მოქალაქე), ბენ მარსონი (გაერთიანებული სამეფოს მოქალაქე) და იგორ ალექსეევი (აშშ-ის მოქალაქე).

ეროვნული ბანკის მონაცემებით, 2017 წლის მესამე კვარტალში ლიბერთი ბანკის მოგებამ 34 537 504 ლარი შეადგინა და მომგებიანობით საქართველოში მესამე ადგილს იკავებს. ქართუ ბანკის მოგებამ კი 11 776 017 ლარი შეადგინა.