ლიბერთი ბანკის 74,64-პროცენტიანი წილი გასხვისდა. გასხვისებული წილის მფლობელი ნიდერლანდებში რეგისტრირებული European Financial Group B.V.-ია. წილების ცვლილების შესახებ ინფორმაციას თავად ბანკი აქვეყნებს.

მათივე ინფორმაციით, კომპანია European Financial Group B.V.-ის მფლობელები ტელეკომპანია იმედის სამეთვალყურეო საბჭოს თავმჯდომარე, ირაკლი რუხაძე, ბენ მარსონი და იგორ ალექსეევი არიან.

"ეს გარიგება ბანკის სტრატეგიული განვითარებისა და მომავალი ზრდისთვის პოზიტიური შედეგის მომტანია, რადგან "EFG-ის" მფლობელები არიან წარმატებული ბიზნესმენები, რომლებიც საქართველოში დიდი ოდენობის აქტივებს ფლობენ და მართავენ; მათ გააჩნიათ საქართველოს ბიზნეს სექტორის და განსაკუთრებით საბანკო სექტორის სიღრმისეული ცოდნა", - აღნიშნავენ ლიბერთი ბანკში.