22 დეკემბერს, უჟგოროდის სასაზღვრო გამშვებ პუnქტზე, დიპლომატიური პასპორტის მქონე საქართველოს მოქალაქე უკრაინაში 45 ყუთი სიგარეტის უკანონოდ შეტანას ცდილობდა. ინფორმაციას უკრაინის სახელმწიფო სასაზღვრო სამსახური ავრცელებს.

აღნიშნულ ფაქტს ადასტურებენ საქართველოს საგარეო საქმეთა სამინისტროში, თუმცა ამბობენ, რომ ის უწყების თანამშრომელი არაა:

"იგი არის დიპლომატის მეუღლე და კანონით მისი ოჯახის წევრს ეკუთვნის დიპლომატიური საბუთი."

დიპლომატის მეუღლეა და კანონის თანახმად, დიპლომატის ოჯახის წევრს ეკუთვნის ოჯახის საბუთი.

მესაზღვრეების ცნობით, ავტომობილის შემოწმების მიზეზი თამბაქოს ძებნაზე გაწვრთნილი ძაღლის რეაგირება გახდა. მათივე თქმით, საქართველოს მოქალაქე ავტოტრანსპორტის შემოწმებაზე უარს ამბობდა, რის შემდეგაც ადგილზე უკრაინაში საქართველოს ელჩი მივიდა.

"ამის შემდეგ, მათი თანდასწრებით, ავტომობილის შემოწმება დაიწყო, რის შედეგადაც სალონში სხვადასხვა ზომის 21 ჩანთა იქნა აღმოჩენილი", - ამბობენ სახელმწიფო სასაზღვრო სამსახურში.