საზოგადოებრივმა მაუწყებელმა კიდევ 15 ახალი მანქანის შესაძენად გამოაცხადა ტენდერი. ავტომობილების შეძენის სავარაუდო ღირებულება 597 990 ლარია, საშუალოდ ერთ მანქანაზე 39 800 ლარი. საზოგადოებრივი მაუწყებლის მოთხოვნაა, რომ ავტომობილები წითელი ან თეთრი ფერის იყოს. წინადადებების მიღება 23 დეკემბერს დაიწყება.

მაუწყებელმა დღეს, 15 დეკემბერს, წელს შეძენილი 20 ახალი ავტომობილის ვიდეოც გაავრცელა. ტენდერში კომპანია შპს ჯი-თი მოტორსმა გაიმარჯვა. შპს ჯი-თი მოტორსის 100-პროცენტიანი წილის მფლობელი შპს ჯი-თი გრუპია, რომელიც გიორგი თავდიშვილს, გიორგი გველესიანსა და თემურ უსტიაშვილს ეკუთვნით. აუდიტის სამსახურის ვებგვერდის მონაცემებით, 2016 წელს შპს ჯი-თი მოტორსმა 2 200 ლარი, მისმა ორმა მფლობელმა გიორგი გველესიანსა და თემურ უსტიაშვილს კი, ჯამში, 120 ათასი ლარი შესწირეს ქართულ ოცნებას.

თავდაპირველად კომპანიას საზოგადოებრივი მაუწყებლისთვის ავტომობილები 934 500 ლარად უნდა მიეწოდებინა, თუმცა ხელშეკრულება 822 500 ლარზე დაიდო, საიდანაც თითქმის 100 ათასი საგარანტიო თანხაა.