ერედვის მუნიციპალიტეტის პრესსამსახურმა On.ge-ს უთხრა, რომ დევნილებისთვის ბულგარული წიწაკა მუციპალიტეტს არ დაურიგებია:

"ეს ამბავი ჩვენც ტელევიზიით გავიგეთ. დავინტერესდით ამით და გამოვიკვლიეთ, რომ აღნიშნული პროდუქცია შპს ახალმა ბაღმა გასცა".

გუშინ, 12 დეკემბერს ტელეკომპანია თრიალეთმა გაავრცელა ინფორმაცია, რომ საახალწლო საჩუქრად ქურთისა და ერედვის მუნიციპალიტეტებმა დევნილებს ორ-ორი კილოგრამი ბულგარული წიწაკა გადასცეს. ბულგარული წიწაკის დიდი ნაწილი კი საკვებად უვარგისი იყო, რის გამოც მოსახლეობას მისი გადაყრა მოუწია.

On.ge ამ დრომდე ცდილობს ქურთის მუნიციპალიტეტს დაუკავშირდეს და ინფორმაცია გადაამოწმოს.