2018 წლის ოქტომბერში ეკრანზე ფილმის გოგონა დრაკონის ტატუთი ახალი ნაწილი გამოვა, რომელსაც Sony Pictures გადაიღებს.

ფილმს გოგონა ობობას ქსელში ჰქვია და მას მილენიუმის მეოთხე წიგნის მიხედვით გადაიღებენ.

ახალ ნამუშევარში მონაწილეობას არ მიიღებენ წინა ფილმის მთავარი ვარსკვლავები: დენიელ კრეიგი და რუნი მარა.

როგორც სხვადასხვა წყაროები წერდნენ, ლისბეტ სალანდერის როლზე ორი კანდიდატი განიხილებოდა - სკარლეტ იოჰანსონი და ნატალი პორტმანი.

თუმცა საბოლოოდ არჩევენი სერიალ The Crown-ის ვარსკვლავ კლერ ფოიზე შეჩერდა.

"კლერი შეუდარებელი და უზომოდ ნიჭიერი მსახიობია, შესაბამისად ვფიქრობთ, რომ ვერავინ მოირგებს მასზე უკეთ ლისბეტი სალანდერის როლს. ვეღარ ვითმენ ისე მინდა მთელმა მსოფლიომ ნახოს ახალი ისტორია, რომლის ეპიცენტრშიც სწორედ კლერია", - ამბობს რეჟისორი ფედ ალვარესი.

ცნობილია ისიც, რომ შვედი მსახიობი სვერირ გუდნასონი ახალ ფილმში ჟურნალისტ მიკაელ ბლუმკვისტს განასახიერებს.

ახალი ნაწილის სიუჟეტის მიხედვით კი მთავარი გმირები კორუმპირებულ პოლიტიკოსთა ჯაშუშური ქსელის წინააღმდეგ იბრძოლებენ.

აღსანიშნავია, რომ სტიგ ლარსონმა სიცოცხლის განმავლობაში წიგნის სამი ნაწილი გამოსცა, მისი გარდაცვალების შემდეგ კი მეოთხე ნაწილის დასრულება ჟურნალისტმა და მწერალმა დევიდ ლაგენკრანცემმა გადაწყვიტა. სწორედ დევიდის წიგნის მიხედვით გადაიღებემ ახალ ფილმს.