დღეს, 4 დეკემბერს, ბიუროს სხდომაზე პარლამენტის თავმჯდომარემ ირაკლი კობახიძემ განაცხადა, რომ სახელმწიფო უსაფრთხოების სამსახურისა და დაზვერვის სამსახურის გაერთიანების კანონპროექტი ინიცირებული აღარ არის.

მთავრობის საპარლამენტო მდივნის, შალვა თადუმაძის განმარტებით, მთავრობამ ბიუროს სხდომაზე კანონების ის ნაწილი გამოითხოვა, რომელიც სუს-ისა და დაზვერვის სამსახურის გაერთიანებას უკავშირდებოდა:

"მიმდინარეობდა კონსულტაციები როგორც მთავრობის შიგნით, ისე პარლამენტთან და მიღებული იქნა გადაწყვეტილება".

თადუმაძემ არ დააკონკრეტა რა არგუმენტების საფუძველზე გადაწყვიტა მთავრობამ კანონპროექტის გამოთხოვება.

სუს-ისა და დაზვრვის სამსახურების გაერთიანებას ეწინააღმდეგებოდნენ საპარლამენტო უმცირესობა და ოპოზიცია. არასამთავრობოების განცხადებით კი, შემოთავაზებული კანონპროექტი ე.წ. ოდეერების ინსტიტუტის კლასიკური საბჭოთა სახით დაბრუნებასა და მათ ინსტიტუციურ გაძლიერებას გულისხმობდა.