შინაგან საქმეთა სამინისტროს ინფორმაციით, თბილისში, ფონიჭალაში ნარკოტიკების რეალიზების ბრალდებით ერთი პირი დააკავეს.

უწყების თქმით, ბრალდებული ნარკოტიკულ საშუალებას სისტემატურად ყიდდა და პოლიციამ დაკავებულის მიერ გაყიდული, 2 შეკვრად დაფასოებული ჰეროინი ნივთმტკიცებად ამოიღო.

გამოძიება განსაკუთრებით დიდი ოდენობით ნარკოტიკული საშუალების უკანონო შეძენა-შენახვისა და გასაღების ფაქტზე მიმდინარეობს (საქართველოს სისხლის სამართლის კოდექსის 260-ე მუხლის მე-6 და მე-4 ნაწილებით), რაც ისჯება თავისუფლების აღკვეთით ვადით რვიდან ოც წლამდე ან უვადო თავისუფლების აღკვეთით.