მთავრობის სხდომაზე პრემიერმა, გიორგი კვირიკაშვილმა განაცხადა, რომ ოქტომბერში ეკონომიკურმა ზრდამ, წინასწარი მონაცემებით, 5,7 პროცენტი შეადგინა:

"10 თვეში 4,9 პროცენტიანი ზრდა დაფიქსირდა - ეს კიდევ ერთი სასიხარულო ამბავი დღეს დილით გამოქვეყნდა".

პრემიერის თქმით, რეგიონული მასშტაბით ეს საუკეთესო შედეგია. მისივე თქმით, თბილისის აბრეშუმის გზის ფორუმი და პროექტები, რომლებსაც ხელი მოეწერა და იგეგმება, შექმნის უფრო მეტ დინამიკას.

"ჩვენ, მომავალ წელს, ყველა საფინანსო ინსტიტუტის მიერ გაკეთებული პროგნოზით, გველოდება კიდევ უფრო მაღალი ეკონომიკური ზრდა, ვინაიდან, ჩვენ წელს მათ მოლოდინებს მნიშვნელოვნად გადავაჭარბეთ. მომავალ წელსაც, უნდა ვეცადოთ და ყველაფერი გავაკეთოთ, რომ პროგნოზებს გავცდეთ, რა თქმა უნდა, დადებითი კუთხით", - განაცხადა კვირიკაშვილმა.