საქართველოს სპორტისა და ახალგაზრდობის საქმეთა სამინისტროს ცნობით, საქართველოს ბერძნულ-რომაული სტილით ნაკრებმა ტრიუმფით დაასრულა გამოსვლა ბუქარესტში მიმდინარე ევროპის ახალგაზრდულ ჩემპიონატზე და 6 მედალთან ერთად გუნდური პირველი ადგილი დაიკავა.

ევროპის ჩემპიონები გახდნენ:

  • ნუგზარ წურწუმია;
  • რამაზ ზოიძე;
  • ზვიად პატარიძე.

ვერცხლის მედლები მოიპოვეს ლევან ქავჟარაძემ და გიორგი მელიამ, ხოლო ბრინჯაოს დავით ჩხარტიშვილი დაეუფლა.

საერთო გუნდურ ჩათვლაში ჩვენმა ნაკრებმა წინა წლის მსგავსად კვლავაც ყველას აჯობა და 62 ქულით პირველი ადგილი დაიკავა, მეორეზე რუსეთი გავიდა 50 ქულით, მესამეზე აზერბაიჯანი 48.

  • მთავარი მწვრთნელი: ზაზა სილაგაძე;
  • უფროსი მწვთნელები: მუხრან მაჭუტაძე, ოთარ ფევაძე და გიორგი ჯინჭველაშვილი;
  • ექიმი: ლევან ლინნიკი;
  • მსაჯი: მალხაზ ჯორბენაძე და ზაზა ჯიბლაძე;
  • ვიცე-პრეზიდენტი: დიმიტრი გელაშვილი.