ფრაქცია საქართველოს პატრიოტების მიერ ომბუდსმენობის კანდიდატად დასახელებულ გიორგი ფოფხაძეს ადამიანის უფლებათა კომიტეტმა მხარი არ დაუჭირა. იმის გამო, რომ ფოფხაძე საქართველოში არ იმყოფებოდა კომიტეტის სხდომაზე ის სკაიპით ჩაერთო.

კენჭისყრის შედეგად, კომიტეტის სამმა წევრმა დაუჭირა მხარი ფოფხაძეს, ერთმა წევრმა თავი შეიკავა, ხოლო ექვსმა წევრმა უარყოფითად შეაფასა. მიუხედავად ამისა, გიორგი ფოფხაძის კანდიდატურა პლენარულ სხდომაზე მაინც გავა.

28 ნოემბერს ადამიანის უფლებათა კომიტეტმა ფრაქცია ქართული ოცნების მიერ დასახელებულ კანდიდატ ნინო ლომჯარიას მხარი დაუჭირა.

საქართველოს მოქმედ სახალხო დამცველს, უჩა ნანუაშვილს უფლებამოსილება 7 დეკემბერს ეწურება. ნინო ლომჯარია ერთ-ერთი იყო იმ ოთხი ადამიანიდან, რომელთა კანდიდატურაც არასამთავრობო ორგანიზაციებმა უმრავლესობას შესთავაზეს.