შინაგან საქმეთა მინისტრმა, გიორგი გახარიამ თავის მოადგილედ და შინაგან საქმეთა სამინისტროს საპარლამენტო მდივნად ნათია მეზვრიშვილი დანიშნა. ინფორმაციას შსს ავრცელებს. ნათია მეზვრიშვილის სამართლის მაგისტრია.

  • 2007-2009 წლებში ძველი თბილისის რაიონული პროკურატურის პროკურორი იყო;
  • 2009-2013 წლებში კი საქართველოს მთავარ პროკურატურაში სხვადასხვა თანამდებობაზე მუშაობდა, კერძოდ: საპროკურორო საქმიანობაზე ზედამხედველობის დეპარტამენტის პროკურორი, ფინანსთა სამინისტროში გამოძიების საპროცესო ხელმძღვანელობის დეპარტამენტის პროკურორი, შს სამინისტროს რეგიონულ ტერიტორიულ ორგანოებში საპროკურორო საქმიანობაზე ზედამხედველობის სამმართველოს უფროსი, სტრატეგიული განვითარების სამმართველოს უფროსი, იურიდიული სამმართველოს უფროსი;
  • 2013 წლის დეკემბრიდან იგი საპროკურორო საქმიანობაზე ზედამხედველობისა და სტრატეგიული განვითარების დეპარტამენტის უფროსის თანამდებობას იკავებდა.

გახარიას გადაწყვეტილებით 16 ნოემბერს ცნობილი გახდა, რომ მინისტრის მოადგილის თანამდებობას ინარჩუნებს მერაბ მალანია, მასთან ერთად კი კახაბერ საბანაძე და ნინო ჯავახაძე ინიშნებიან.