თბილისში, ისანში მიმდინარე სპეცოპერაციისას დაჭრილ სპეცრაზმელს ამ წუთებში სამედიცინო პროცედურები უტარდება. ინფორმაცია მისი ჯანმრთელობის შესახებ მოგვიანებით გავრცელდება. ჯერჯერობით უცნობია, არიან თუ არა სხვა დაშავებულები.

ბერი გაბრიელ სალოსის ქუჩაზე, ერთ-ერთ კორპუსთან, უკვე 15 საათზე მეტია, რაც სპეცოპერაცია მიმდინარეობს. მიმდებარე ტერიტორიიდან გაყვანილია მოსახლეობა. ადგილზე ამ დრომდე ისმის სროლის ხმა. მობილიზებულები არიან სპეცრაზმელები. თვითმხილველების ცნობით, იმ ბინაში, სადაც სავარაუდოდ ეჭვმიტანილები არიან გამაგრებული, რამდენიმე საათის წინ ხანძარიც იყო, რომელიც ამ წუთისათვის ჩამქრალია.

ადგილზე იმყოფება On.ge-ს ჟურნალისტი და სიახლის შემთხვევაში, ინფორმაციას დაუყონებლივ მოგაწვდით.