კავკასიური სახლის გამგეობის თავმჯდომარემ, მწერალმა ნაირა გელაშვილმა ორგანიზაციისთვის გადაცემული ტოლერანტობის ქომაგის სიგელი სახალხო დამცველს დააბრუნა. გელაშვილმა On.ge-სთან საუბრისას ჯილდოს დაბრუნება ამავე სიგელის წინა ხელისუფლების წევრებისთვის გიგა ბოკერიასთვის და ნიკა გვარამიასთვის გადაცემით ახსნა.

როგორც გელაშვილი ამბობს, სახალხო დამცველს აპარატს სიგელის დაბრუნებასთან ერთად თავისი 800-გვერდიანი რომანი აჩუქა, რომელიც ვარდების რევოლუციით მოსული ხელისუფლების მსხვერპლებს.

"რომანიც ვაჩუქე და სიგელიც დავუბრუნე იმიტომ, რომ მათ თვითონ უარყვეს და გააბათილეს ტოლერანტობის ცნება, როცა ბოროტმოქმედებს მიანიჭეს ტოლერანტობის ქომაგის წოდება. ნაციონალური მოძრაობის ყველა ლიდერი არის სისხლის სამართლის დამნაშავე, რომლებიც ციხეში უნდა ისხდნენ. იმიტომ, რომ ქვეყანამ თავისი უღონობით ვერ შეძლო მართლმსაჯულების აღსრულება ეგ იმას არ ნიშნავს, რომ დამნაშავეები არ არიან", - ამბობს გელაშილი.

On.ge-ს კითხვაზე - ეს ადამიანები არ შეიძლება იყვნენ ტოლერანტები - ნაირა გელაშვილმა ასე უპასუხა:

"თქვენი შეკითხვა მზარავს, იცით? მათი ყველა ტოლერანტობა გამიზნულია, პრაგმატული საქციელი. მათ იმათი გული მოინადირეს რაღაცებით, ვინც ხმა მისცა. სხვანაირად არცერთი ნორმალურ ადამიანი მაგათ მხარს არ დაუჭერს, თუ არ აქვთ მათი კომპრომატები, თუ არა არიან ფულით დაინტერესებულები და ა.შ."