ძველ თბილისში, კაცი ყოფილ ცოლსა და მის მშობლებს დანით თავს დაესხა. შემთხვევა გუშინ, 13 ნოემბერს მოხდა. ამის შესახებ ინფორმაცია On.ge-ს შინაგან საქმეთა სამინისტროში დაუდასტურეს.

მომხდარზე გამოძიება სისხლის სამართლის კოდექსის მე-111 და 117-ე მუხლის მე-7 ნაწილის ა ქვეპუნტით მიმდინარეობს, რაც ოჯახურ დანაშაულსა და ჯანმრთელობის განზრახ მძიმე დაზიანებას გულისხმობს.

შემთხვევის შესახებ ინფორმაცია თავდაპირველად ტაბულამ გაავრცელა. გამოცემა წერს, რომ თავდამსხმელი ნასვამ მდგომარეობაში იყო. მათივე ინფორმაციით, ოჯახის ახლობლები ამბობენ, რომ კაცმა ყოფილ ცოლს ხუთჯერ დაარტყა დანა, მათ შორის ერთი - თავში.

ამავე გამოცემის ცნობით, მას ყოფილ ცოლთან მიახლოება აკრძალული ჰქონდა, რაზეც On.ge-ს შსს-ში უთხრეს, რომ ინფორმაციას დააზუსტებენ.

ამჟამად, სამივე დაშავებული საავადმყოფოში იმყოფება.