შეუძლებელს შევძლებთ ჩემი აზრით, მე არ მეშინია- ამ შემართებით წარსდგნენ ნიჭიერის სცენაზე თბილისის ინკლუზიური საცეკვაო დასის წევრები.

შეზღუდული შესაძლებლობების მქონე და პროფესიონალი მოცეკვავეებისგან შემდგარმა დასმა მაყურებელს პერფომანსი წარუდგინა. მათი ნომერი არამხოლოდ საკონკურსო შინაარს, არამედ კონკრეტულ გზავნილს ატარებდა. დასის წევრებმა ისაუბრეს იმ დაბრკოლებებზე, რომლებსაც საზოგადოებაში აწყდებიან :

"გვინდა ეს დავანახოთ საზოგადოებას, რომ არანაირი შეზღუდვა და არანაირი ჩარჩო არ არსებობს, არანაირი ბარიერი. ჩვენ მოვახერხეთ აღმოგვეჩინა შეზღუდული შესაძლებლობების მიღმა ახალი შესაძლებლობები"

სტერეოტიპების და დაბრკოლებების წინააღმდეგ გალაშქრებული მოცეკვავეების გზავნილი მაყურებელმა და ჟიურიმ ერთსულოვანად გაიზიარა.

"ჩემთვის ეს იყო მაღალი თვითშეგნების მქონე საზოგადოების მოდელი, სადაც ნებისმიერ ჩვენგანს შეეძლება ერთად თანაარსებობა და თავისი თავის რეალიზება და მემგონი თქვენ ამას უკვე მიაღწიეთ, გილოცავთ" - გიორგი ბახუტაშვილი.

ნომრის დასრულების შემდეგ ნიჭიერის მონაწილეებმა, პირველ ლედისთან და ინკლუზიურ დასთან ერთად ჟესტების ენაზე ირაკლი ჩაკრვიანი - სულს შეასრულეს.

ერთსულოვანი გადაწყვეტილებით მათ აუცილებლად ვიხილავთ შემდეგ ტურში.

ნიჭიერის შესარჩევი ტურები დასრულდა. კონკურსანტებს, რომლებმაც YES ბლოკი გაიარეს ნახევარფინალში ვიხილავთ.