ბათუმის მერის თანამდებობაზე გიორგი ერმაკოვი ლაშა კომახიძემ შეცვალა. კომახიძე ბათუმის მერიაში დღეს, 13 ნოემბერს მივიდა.

"ერთადერთი მოთხოვნა ჩემთვის კვალიფიკაციაა", - განუცხადა კომახიძემ საზოგადოებრივი მაუწყებლის აჭარის ტელევიზიას, თუმცა მომავალი მოადგილეების ვინაობა არ გაუმხელია.

ქართული ოცნების კანდიდატი, ლაშა კომახიძე ბათუმის მერი თვითმმართველობის არჩევნების პირველივე ტურში გახდა. მან ამომრჩეველთა ხმების 55,95 პროცენტი მიიღო.