Sony-ს Aibo, რომელიც პირველად 1999 წელს გამოჩნდა, ბრუნდება და ამჯერად გაუმჯობესებული მოდელით.

რობო-ძაღლი ხელოვნური ინტელექტითაა აღჭურვილი და დროთა განმავლობაში პატრონის სახლს შეისწავლის და ეცოდინება სად რომელი ოთახია და ობიექტებია განთავსებული. გარდა ამისა აიბო ხმოვან ბრძანებებსაც უპასუხებს და ოჯახის წევრებთან ურთიერთობისას პიროვნული თვისებებიც ჩამოუყალიბდება.

ძაღლის სრულად დამუხტვას 3 საათი სჭირდება, ხოლო მისი ელემენტი 2 საათის განმავლობაში ძლებს.

Aibo $1 739 ღირს და Sony-ს იაპონურ ონლაინ მაღაზიაში იყიდება. აიბოს პატრონებს ასევე შეუძლიათ ქლაუდ ანგარიშიც იყიდონ, რაც თვეში $27 დაჯდება, ამ მომსახურების საშუალებით შესაძლებელი იქნება თქვენი რობო-ძაღლის უნიკალური და თქვენგან ნასწავლი უნარ-ჩვევების შენახვა. იმ შემთხვევაში თუ რობოტი დაზიანდება და მისი გამოცვლა იქნება საჭირო, პატრონი ახალ რობოტს იყიდის, ხოლო მისი ინტელექტი და მონაცემები ქლაუდიდან ჩამოიტვირთება.