რუსეთის ორი სახელმწიფო დაწესებულება, რომელთაც მჭიდრო კავშირი აქვთ ვლადიმირ პუტინთან, ჯარედ კუშნერის ბიზნესპარტნიორის დახმარებით, ტვიტერსა და ფეისბუკს აფინანსებდა. ამის შესახებ ინფორმაციას The Guardian გამოქვეყნებულ დოკუმენტებზე დაყრდნობით ავრცელებს. ჯარედ კუშნერი აშშ-ის პრეზიდენტის დონალდ ტრამპის სიძე და მისი მთავარი მრჩეველია.

ინვესტიციები კეთდებოდა რუსი ტექნოლოგიური მაგნატის იური მილნერის საშუალებით, რომელიც ფლობს იმ კომპანიის წილს, რომლის თანამფლობელიც კუშნერია.

ინვესტიციების შესახებ დეტალურადაა ასახული Paradise Papers-ში. მილნერის თქმით, ფეისბუკმა და ტვიტერმა იცოდნენ, რომ ინვესტიციები სახელმწიფოს მიერ კონტროლირებული ბანკ VTB-დან და სახელმწიფო ნავთობკომპანია გაზპრომიდან შემოდიოდა. როგორ გამომცემლობა წერს, კუშნერის წარმომადგენელმა განცხადების გაკეთებაზე უარი განაცხადა.

დოკუმენტები მიხედვით, 2011 წელს VTB ბანკმა ტვიტერში 191 მილიონი დოლარით დააფინანსა. ამავე პერიოდში გაზპრომმა დააფინანსა გაუმჭვირვალე ოფშორული კომპანია, რომელიც თავის მხრივ დააფინანსა კომპანია, რომელიც ფეისბუკში ერთი მილიარდი დოლარის აქციას ფლობს.

გაიგეთ მეტი: რა არის Paradise Papers?