ბელგიის სასამართლომ კატალონიის ექს-ლიდერი და მისი ოთხი თანამშრომელი ქვეყნიდან გაუსვლელობის პირობით გაათავისუფლა, წერს BBC.

სასამართლოს გადაწყვეტილებაში ნათქვამია, რომ ხუთივე გათავისუფლებულს ქვეყნის დატოვების უფლება არ აქვს. მათ, ასევე, ხელისუფლებას საცხოვრებელი ადგილის შესახებაც ინფორმაცია უნდა მიაწოდონ.

კატალონიის მთავრობის ყოფილი მაღალჩინოსნები ბელგიის პოლიციას 5 ნოემბერს ჩაბარდნენ. პუჩდემონი ბელგიაში ერთ კვირაა რაც იმყოფება. მისივე განცხადებით, ის პოლიტიკური თავშესაფარს არ მოითხოვს. მან, ასევე, თქვა, რომ ბარსელონაში მანამ არ დაბრუნდება, სანამ სამართლიანი სასამართლოს გარანტიას არ მიიღებს

კატალონიის დამოუკიდებლობის რეფერენდუმის და საკონსტიტუციო კრიზისის შემდეგ ესპანეთის პრეზიდენტმა მარიანო რახოიმ რეგიონს ავტონომია ჩამოართვა და პირდაპირი მმართველობა დაიწყო. რახოიმ დაითხოვა კატალონიის რეგიონული პარლამენტი და ვადამდელი არჩევნები 21 დეკემბერს დანიშნა.

ესპანეთის სასამართლომ კატალონიის რვა ყოფილი მინისტრის დაკავების განკარგულება უკვე გასცა. ბრალდებულებს ამბოხება, აჯანყებისაკენ მოწოდება და სახელმწიფო სახსრების ბოროტად გამოყენება ედებათ ბრალად.

გაიგეთ მეტი: კატალონიის კრიზისი - დეტალები მოკლედ