კატალონიის ყოფილი პრეზიდენტი, კარლეს პუჩდემონი და რეგიონის ოთხი ყოფილი მინისტრი ბელგიის პოლიციას ჩაბარდნენ. ინფორმაციას The Guardian ბრიუსელის პროკურატურაზე დაყრდნობით ავრცელებს.

პუჩდემონი წინასწარ პატიმრობაშია და ბელგიის ფედერალური პროკურორის გადაწყვეტილებას ელის, გადასცემს თუ არა მას ესპანეთს.

პუჩდემონი ბრიუსელში ორშაბათის შემდეგ იმყოფება.

კატალონიის დამოუკიდებლობის რეფერენდუმის და საკონსტიტუციო კრიზისის შემდეგ ესპანეთის პრეზიდენტმა მარიანო რახოიმ რეგიონს ავტონომია ჩამოართვა და პირდაპირი მმართველობა დაიწყო. რახოიმ დაითხოვა კატალონიის რეგიონული პარლამენტი და ვადამდელი არჩევნები 21 დეკემბერს დანიშნა.

ესპანეთის სასამართლომ კატალონიის რვა ყოფილი მინისტრის დაკავების განკარგულება უკვე გასცა. ბრალდებულებს ამბოხება, აჯანყებისკენ მოწოდება და სახელმწიფო სახსრების ბოროტად გამოყენება ედებათ ბრალად.

გაიგეთ მეტი: კატალონიის კრიზისი - დეტალები მოკლედ