სირიის არმიამ ე.წ. ისლამური სახელმწიფოს მებრძოლებისგან გაათავისუფლა ქალაქი დაირ-ელ-ზავრი, წერს BBC. დაირ-ელ-ზავრი ISIS-ისთვის სტრატეგიულად მნიშვნელოვანი ქალაქი იყო, რადგან ერაყის საზღვართან ახლოს მდებარეობდა.

"ქალაქი ტერორისტებისგან სრულიად თავისუფალია", - ამბობს ადგილობრივ მედიაში. ე.წ. ისლამურ სახელმწიფოს ქალაქის დიდი ნაწილი 2014 წლის შემდეგ ეკავა. სირიის არმიამ ქალაქი რამდენიმეკვირიანი ბრძოლის შედეგად დაიბრუნა. საომარი მოქმედებების გამო, დაახლოებით, 350 ათასმა ადამიანმა მიატოვა საცხოვრებელი სახლები.

რამდენიმე კვირის წინ სირიელმა მებრძოლებმა განაცხადეს, რომ ქალაქი რაქაში ე.წ. ისლამური სახელმწიფოს სამწლიანი მმართველობა დაასრულეს და ქალაქზე სრული კონტროლი აღადგინეს.

2014 წელს, ისლამური სახელმწიფოსთვის რაქა ე.წ. სახალიფოს სათაო ოფისი იყო, სადაც ისლამური კანონების ექსტრემისტული ინტერპრეტაცია ხდებოდა, რაც თავის მოკვეთას, წამებას და მოქალაქეების დატერორებას გულისხმობს.