ჰოლივუდის ვარსკვლავმა, შერონ სტოუნმა 30 წლიანი თანამშრომლობის შემდეგ საკუთარი აგენტი ჩაკ ბანდერი და თავისი სააგენტო მიატოვა.

მსახიობმა ახალი კონტრაქტი ყველაზე გავლენიან კომპანია CAA-სთან გააფორმა, რომლის კლიენტებიც ჯულია რობერტსი, მერილ სტრიპი, ქეით ბლანშეტი და სხვა ვარსკვლავები არიან.

"მათთან ერთად 30 წელი გავატარე და ახლა რამდენიმე მიზეზის გამო დავტოვე, ერთ-ერთი კი ის არის, რომ მჭირდება ისეთი ადამიანები, რომლებიც სულ სხვა თვალით შემომხედავენ და ჩემთვის განსხვავებულ როლებს მოძებნიან. ჩემი კარიერა ამიერიდან, როცა უკვე 59 წლის ვარ სულ სხვა კუთხით უნდა განვითარდეს", - ამბობს სტოუნი.