ანკარაში, NATO-ს სამიტის ფარგლებში, აშშ-ის პრეზიდენტმა, დონალდ ტრამპმა, ვოლოდიმირ ზელენსკისთან შეხვედრისას განაცხადა, რომ აშშ დააკმაყოფილებს უკრაინის მოთხოვნას და მას Patriot-ის რაკეტების წარმოების ლიცენზიას მისცემს.

"ჩიტმა ამბავი მომიტანა, რომ უკრაინას Patriot რაკეტების წარმოების უფლებას მივცემთ.
ჩვენ ვუჩვენებთ, ისინი როგორ დაამზადონ. სინამდვილეში, ეს ძალიან რთული ტექნოლოგიაა, თუმცა ამ სირთულეს თავს სწრაფად გაართმევთ," — განაცხადა ტრამპმა.

Patriot-ის სარაკეტო სისტემა ერთ-ერთი ყველაზე მოწინავე თავდაცვითი ტექნოლოგია და გადამწყვეტ როლს ასრულებს რუსეთის თავდასხმების მოგერიებაში.

შეგახსენებთ, NATO-ს ანკარის სამიტის დეკლარაციის თანახმად, მოკავშირეები 2026 წლისთვის იღებენ ვალდებულებას, უკრაინას 70 მილიარდი ევროს ღირებულების სამხედრო აღჭურვილობა გამოუყონ და მიესალმებიან ევროკავშირის გადაწყვეტილებას უკრაინისთვის მრავალწლიანი დაფინანსების გამოყოფის შესახებ.

გარდა ამისა, ნორვეგია უკრაინის საჰაერო თავდაცვის გასაძლიერებლად 3 მილიარდ ნორვეგიულ კრონს (268 მილიონ ევროს) გამოყოფს — თანხა, სხვა საჭიროებებთან ერთად, "პატრიოტის" სარაკეტო სისტემის შესაძენად დაიხარჯება.