სომხეთის ცენტრალურმა საარჩევნო კომისიამ კვირას გამართული საპარლამენტო რჩევნების ხმების დათვლა დაასრულა. ქვეყნის მასშტაბით ყველა — 2005-ივე საარჩევნო უბნის მონაცემები უკვე დათვლილია. ინფორმაციას სომხური მედია ავრცელებს.

ამ მონაცემების მიხედვით:

  • პირველ ადგილზე ამჟამად მმართველი პარტია "სამოქალაქო კონტრაქტი" გავიდა ხმების 49.81%-ით (727,160 ხმა).

  • მეორე ადგილზეა პარტიათა ბლოკი ძლიერი სომხეთი, რომელმაც ხმების 23.29% (340,062 ხმა) მოიპოვა.

  • მესამე ადგილს იკავებს პარტიათა ბლოკი სომხეთი — 9.94%-ით (145,097 ხმა).

  • მეოთხე ადგილზეა პარტია აყვავებული სომხეთი, რომელმაც ხმების 4.00% (58,368 ხმა) მიიღო.

  • ხოლო მეხუთე ადგილზე გასულ პარტიას, ერთობის ფრთებს, ხმების 2.30% (33,618 ხმა) აქვს.

სომხეთის პარლამენტში სულ მცირე 105 დეპუტატი იქნება არჩეული, თუკი არ ამოქმედდება საარჩევნო კანონმდებლობის ის სპეციფიკური ნორმები, რომლებიც სხვა პოლიტიკური ძალებისთვის დამატებითი საპარლამენტო მანდატების გამოყოფას ითვალისწინებს.

საპარლამენტო მანდატები ოთხ პოლიტიკურ ძალას შორის შემდეგნაირად გადანაწილდება:

  • პარტია სამოქალაქო კონტრაქტი — 61 მანდატი;

  • ბლოკი ძლიერი სომხეთი — 28 მანდატი;

  • ბლოკი სომხეთი — 11 მანდატი;

  • პარტია აყვავებული სომხეთი — 5 მანდატი.

კვირას გამართულ არჩევნებში სომხეთის მე-9 მოწვევის პარლამენტის მანდატებისთვის 16 პარტია და 2 ბლოკი იბრძოდა.

სომხეთის პარლამენტი პროპორციული საარჩევნო სისტემით, ანუ მხოლოდ პარტიული სიებით აირჩევა.

სომხეთის მე-9 მოწვევის პარლამენტში მანდატების მოსაპოვებლად 16 პარტია და 2 ბლოკი იბრძოდა. სომხეთის საკანონმდებლო ორგანოში შესასვლელი ბარიერი პარტიებისთვის 4%-ს, ხოლო ბლოკებისთვის 8%-ს შეადგენს.