საქართველოს მეხუთე პრეზიდენტი, სალომე ზურაბიშვილი ნიკოლ ფაშინიანს სომხეთის საპარლამენტო არჩევნებში გამარჯვებას ულოცავს. ამის შესახებ ზურაბიშვილმა X-ზე დაწერა. მისი თქმით, "ეს ისტორიული კენჭისყრა აძლიერებს დემოკრატიას და განამტკიცებს ჩვენი რეგიონის ადგილს ევროპულ სახელმწიფოთა ოჯახში."

"გულწრფელი მილოცვა ნიკოლ ფაშინიანს! დღეს სომხეთმა მტკიცედ აირჩია თავისუფალი, დამოუკიდებელი და ევროპული მომავალი. ეს ისტორიული კენჭისყრა აძლიერებს დემოკრატიას და განამტკიცებს ჩვენი რეგიონის ადგილს ევროპულ სახელმწიფოთა ოჯახში", — დაწერა ზურაბიშვილმა.

შეგახსენებთ, საპარლამენტო არჩევნები სომხეთში კვირას, 7 ივნისს გაიმართა. ცენტრალური საარჩევნო კომისიის მონაცემებით, ბიულეტენების 94 პროცენტის დათვლის შემდეგ, პრემიერმინისტრ ნიკოლ ფაშინიანის პარტია "სამოქალაქო კონტრაქტის" ხმების 50.07 პროცენტით ლიდერობს.