ბელარუსის ოპოზიციის ლიდერი სვეტლანა ტიხანოვსკაია ქართველ ხალხს დამოუკიდებლობის დღეს ულოცავს. განცხადებაში ხაზგასმულია, რომ ბელარუსებსა და ქართველებს ერთი და იგივე ხედვა აერთიანებთ: იცხოვრონ როგორც თავისუფალმა, სუვერენულმა ევროპულმა ერებმა, შიშის, ჩაგვრისა და უცხოური ბატონობის გარეშე.

"გულთბილად ვულოცავთ საქართველოს ხალხს დამოუკიდებლობის დღეს!

ბელარუსებსა და ქართველებს ერთი და იგივე ხედვა აერთიანებთ: იცხოვრონ როგორც თავისუფალმა, სუვერენულმა ევროპულმა ერებმა, შიშის, ჩაგვრისა და უცხოური ბატონობის გარეშე.

თავისუფლება ყოველთვის გაიმარჯვებს!

გილოცავთ, საქართველო!", — აღნიშნულია განცხადებაში.

ცნობისთვის, დღეს, საქართველო სახელმწიფოებრივი დამოუკიდებლობის აღდგენის 108-ე წლისთავს ზეიმობს. 1918 წლის 26 მაისს, ეროვნული საბჭოს სხდომამ ისტორიული მნიშვნელობის დოკუმენტი — "საქართველოს დამოუკიდებლობის აქტი" დაამტკიცა. სწორედ აღნიშნული გადაწყვეტილებით გამოცხადდა ქვეყნის სუვერენიტეტი და საფუძველი ჩაეყარა საქართველოს პირველ დემოკრატიულ რესპუბლიკას.