სომხეთის ეროვნული ასამბლეის (პარლამენტის) თავმჯდომარე ალენ სიმონიანი ქართველ ხალხს და პარლამენტარებს დამოუკიდებლობის დღეს ულოცავს. ის საქართველოსა და ქართველებს მშვიდობას, კეთილდღეობასა და უწყვეტ პროგრესს უსურვებს.

"გულწრფელად ვულოცავთ მოძმე ქართველ ხალხს და ჩვენს კოლეგებს საქართველოს პარლამენტში დამოუკიდებლობის დღეს! სომხეთი მაღალ შეფასებას აძლევს ჩვენს ქვეყნებს შორის არსებულ მტკიცე პარტნიორობასა და ისტორიულ მეგობრობას.

ვუსურვებთ მშვიდობას, კეთილდღეობასა და უწყვეტ პროგრესს საქართველოსა და მის ხალხს. გილოცავთ დამოუკიდებლობის დღეს!", — წერია განცხადებაში.

ცნობისთვის, დღეს, საქართველო სახელმწიფოებრივი დამოუკიდებლობის აღდგენის 108-ე წლისთავს ზეიმობს. 1918 წლის 26 მაისს, ეროვნული საბჭოს სხდომამ ისტორიული მნიშვნელობის დოკუმენტი — "საქართველოს დამოუკიდებლობის აქტი" დაამტკიცა. სწორედ აღნიშნული გადაწყვეტილებით გამოცხადდა ქვეყნის სუვერენიტეტი და საფუძველი ჩაეყარა საქართველოს პირველ დემოკრატიულ რესპუბლიკას.