საქართველოს ფინანსთა სამინისტროს საგამოძიებო სამსახურმა ოქროს ნაკეთობების უკანონოდ გადატანის ფაქტზე აზერბაიჯანის მოქალაქე რამინ ნაბიევი დააკავა.

ფინანსთა სამინისტროს საგამოძიებო სამსახურის ინფორმაციით, ბრალდებული საქართველოსა და აზერბაიჯანის საზღვრის კვეთისას დააკავეს, როცა ის ცდილობდა უკანონოდ გადაეტანა "დიდი ოდენობით" კონტრაბანდული ოქროს ზოდები და უმაღლესი სინჯის ოქროსაგან დამზადებული საიუველირო ნაწარმი, რომელთა საერთო ღირებულება შეადგენს 55,000 ლარს.

საქმეზე მიმდინარეობს გამოძიება საქართველოს სისხლის სამართლის კოდექსის 214-ე მუხლით, რაც სასჯელის სახით 5-დან 7-წლამდე პატიმრობას ითვალისწინებს.