ახლახან სერიალ Elle-ის პირველი ტრეილერი გამოვიდა. ელ ვუდსის როლს ლექსი მინეტრი შეასრულებს, ელის მშობლების როლებს კი ცნობილი მსახიობები — ჯუნ დაიან რაფაელი და ტომ ევერეტ სკოტი მოირგებენ. Elle-ის პრემიერა 1-ელ ივლისს იგეგმება.

სერიალი საკულტო ფილმის, Legally Blonde-ის პრიქველია და ელ ვუდსის სტუდენტობამდე პერიოდზე გვიყვება. ახალი სერიალი 1995 წელში გვამოგზაურებს: სკოლის მოსწავლე ელ ვუდსი მშობლებისგან მოულოდნელ ამბავს იგებს — მამის ახალი სამსახურის გამო, ოჯახი მზიან კალიფორნიას ტოვებს და საცხოვრებლად რამდენიმე წლით სიეტლში გადადის.

როგორც ცნობილია, სერიალში ელ ვუდსს არაერთი გამოწვევა ელის — იქნება ეს დაძაბული ურთიერთობები თანატოლებთან, აკრძალული რომანი თუ მოდასთან დაკავშირებული საეჭვო გადაწყვეტილებები თუმცა, მთავარ დასაყრდენს ის მაინც ოჯახში პოულობს და დედას უფრო უახლოვდება. ყოველ ახალ გამოწვევასთან ერთად, ელ ვუდსი ნელ-ნელა ყალიბდება იმ პერსონაჟად, რომელსაც მაყურებელი დღეს იცნობს და უყვარს.

Prime Video-მ სერიალის მეორე სეზონი უკვე დაამტკიცა.