გარემოსდაცვითი ზედამხედველობის დეპარტამენტის ინფორმაციით, მათმა თანამშრომლებმა საქართველოს წითელი ნუსხით დაცული სვავის მოკვლის შემთხვევა გამოავლინეს. როგორც უწყებაში ამბობენ, ფაქტი სოციალურ ქსელში გავრცელებული ფოტოების საფუძველზე გახდა ცნობილი.

"ფაქტი შეიცავს სისხლის სამართლის კოდექსით გათვალისწინებული დანაშაულის ნიშნებს. მასალები, შემდგომი რეაგირების მიზნით, საგამოძიებო ორგანოს გადაეგზავნება", - ამბობენ ზედამხედველობის სამსახურში და დასძენენ, რომ ზიანი 2 500 ლარია.

მათივე ინფორმაციით, ფოტოზე ასახული ორივე პირი იდენტიფიცირებულია და მათ ახსნა-განმარტება ჩამოართვეს.