თბილისის მერმა კახა კალაძემ სამთავრობო ტელეკომპანია "რუსთავის 2"-ის ეთერში განაცხადა, რომ მისი ოჯახის მიმართ "ყველანაირი სიბინძურე" იკადრეს და მის ოჯახის წევრებს სოციალურ ქსელში შეურაცხყოფელ შეტყობინებებს უგაზვნიდნენ.

"თუკი რაიმე სიბინძურე შეიძლებოდა ადამიანს ეკადრა, ყველაფერი იკადრეს ჩემ მიმართ, ოჯახის მიმართ, იმდენ სიბინძურეებზე საუბრობდნენ, ჩემს მეუღლეს [შვილის] რეებს სწერდნენ, უბრალოდ წამოუდგენელია ადამიანმა რომ ნახოს. რა მესიჯებს სწერდნენ ჩემს მეუღლეს, რომ მე უნდა გამშორებოდა აუცილებლად, ვითომ რაღაცა კუბოები, რაღაცა სისულელეები, წარმოუდგენელი უბრალოდ. ეს არის ბოროტება, კრიმინალური დაჯგუფება, რომელიც ყველაფერს აკეთებს იმისთვის, რომ ადამიანს შეურაცხყოფა მიაყენოს. ადამიანი შანტაჟის ქვეშ ამყოფოს და ა.შ.

მე ვარ ბედნიერი ადამიანი, ვარ ყველა ჩემს ქმედებაზე პასუხისმგებელი, ვარ პასუხისმგებელი ყველა ჩემს სიტყვაზე, გადადგმულ ნაბიჯზე, წარსულშიც, ახლაც და მომავალში. ვარ უბედნიერესი ადამიანი, მყავს ძალიან კარგი ოჯახი, ძალიან მიყვარს ჩემი მეუღლე, ჩემი შვილები და ვარ ბედნიერი ადამიანი. ყველაზე დიდი სიმდიდრე, რაც გამაჩნია, ეს არის ქართველი ხალხის სიყვარული და დამოკიდებულება ჩემს მიმართ ეს შემთხვევით არ მოსულა ამას წლები ვაშენებდი არავის მივცემ ამის უფლებას ეს შელახო. ყველა ჩემს სიტყვაზე ვარ პასუხისმგებელი რაც წარსულში გამიკეთებია და დღეს ვაკეთებ," — განაცხადა თბილისის მერმა, კახა კალაძემ რუსთავი 2-ის ეთერში.