ლელო — ძლიერი საქართველოს ერთ-ერთი ლიდერი, რაკლი კუპრაძე ელექტროენერგიაზე ტარიფის გაზრდას სოციალურ ქსელში გამოეხმაურა. მისი განმარტებით, ელექტროენერგიაზე ფასის ზრდა გამოიწვევს ყველა პროდუქტზე, მათ შორის პურზე ფასის მატებას. მისივე თქმით, "ასეთი ფარსი, ტყუილი და დამცირება, რაც ოცნების ფასების კომისიაა, ძალიან დიდი ხანია არ ყოფილა."

"დღეიდან დენი 5 თეთრით გააძვირა ქართულმა ოცნებამ!

ზოგად ტვირთთან ერთად, ეს გამოიწვევს ფასების მატებას ყველა პროდუქტზე, მათ შორის პურზე.

ასეთი ფარსი, ტყუილი და დამცირება რაც ოცნების ფასების კომისიაა, ძალიან დიდი ხანია არ ყოფილა!

დაფიქრდით და აღმოაჩენთ, რომ პირველ რიგში შეურაცხყოფას სწორედ ოცნების ამომრჩევლებს გაყენებენ ამ პროპაგანდისტული სალაფავით!

ოცნება = მაღალ ფასებს
ოცნება = სიღარიბეს
ოცნება = მეტ მშიერ ადამიანს
ოცნება = ტყუილს", — დაწერა კუპრაძემ.

შეგახსენებთ, ელექტროენერგიის ტარიფი თბილისსა და რეგიონებში 5-5 თეთრით იზრდება. მიღებული გადაწყვეტილება ყველა სექტორისთვის იმოქმედებს 2026 წლის 1-ელი აპრილიდან 2031 წლის 1-ელ იანვრამდე.