TikTok-ზე ახალი, უცნაური ტრენდი გამოჩნდა, რომელმაც უკვე მთელი მსოფლიოს ირგვლივ მილიონობით მაყურებელი შეიძინა.

ხელოვნური ინტელექტის ეპოქაში უკვე თითქმის აღარაფერი გვიკვირს. ამჯერად კი, საქმე გაცოცხლებულ ხილთან გვაქვს, რომელიც საპნის ოპერის სტილის დრამებში მონაწილეობს და ხშირად სხვა ხილს ღალატობს.

თუ ინტერნეტში დიდ დროს ატარებთ, ალბათ უკვე იცით: Strawberita არის მარწყვი, რომელიც საკუთარ ხილ-ქმარს მუდმივად ღალატობს. დიახ, სწორად გესმით: მარწყვი მეუღლეს ღალატობს.

თუ ჯერ კიდევ არ გინახავთ მსგავსი ვიდეოები, არ იდარდოთ, აი ისიც:

@snappyhex #sadstory #foodstory #cheating ♬ original sound - snappyhex

რა თქმა უნდა, ეს ერთადერთი ვიდეო არ არის — ბოლო რამდენიმე თვის განმავლობაში ასობით მსგავსი კადრი გავრცელდა. სოციალური ქსელების მომხმარებლები მოღალატე ხილის ვიდეოებს საათობით სქროლავენ, მათ ისტორიებზე რეაქციას გამოხატავენ და ხშირად ვრცელ, სიღრმისეულ ანალიზსაც კი წერენ.

გარდა ნახვებისა და კომენტარებისა, AI-ხილის ვიდეოების გამავრცელებელ ანგარიშებს მილიონობით გამომწერი ემატება — ერთ-ერთმა ასეთმა გვერდმა რამდენიმე დღეში 3.1 მილიონი გამომწერი დააგროვა.

მალევე უამრავი ახალი AI-ხილის ანგარიში გამოჩნდა, რომელიც ამ უცნაურ ტრენდს აჰყვა. ხალხმა კი, მართლა აღარ იცის, რა იფიქროს ამ ყველაფერზე.

ტრენდში ცნობილი ადამიანებიც ჩაერთნენ — ზარა ლარსონმა გააზიარა სელფი წარწერით: "ბოდიში, დღეს ვერ გამოვალ, უნდა ვნახო, რა ხდება Choclatina-სა და Strawberto-ს შორის". მომღერლის მიერ ხელოვნური ინტელექტის გამოყენებას ინტერნეტში არც ისე კარგი რეაქცია მოჰყვა, რის გამოც მან თავისი ქცევის ასახსნელად ვიდეო გამოაქვეყნა.

ინტერნეტის მომხმარებელთა ნაწილი AI-ხილის პირადი ცხოვრებით საკმაოდ ერთობა. იმდენად, რომ უკვე ამ ისტორიების ქართული ვერსიაც კი გვაქვს:

@merx.ai.studio სერია 2 | მოღალატე ხილი #fruit #strawberry #fyp #ai #ფორიუ ♬ Kamin - EMIN & JONY

თუმცა, სოციალური ქსელის მეორე ნაწილი სულაც არ არის აღფრთოვანებული ახალი ტრენდით. ერთ-ერთმა ასეთმა მომხმარებელმა დაწერა: "არ მჯერა, რომ მართლა ამ AI-ხილის ნაგავზე გეცინებათ".

ასევე იხილეთ: