2026 წლის 2 აპრილიდან, საქართველოს მოქალაქეებს, რომლებიც აკმაყოფილებენ B1/B2 ვიზის მოთხოვნებს, 15 000-მდე აშშ დოლარის ოდენობის დეპოზიტის გადახდა დაეკისრებათ. ახალი სავიზო რეგულაციის შესახებ დეტალურ ინფორმაციას საქართველოში აშშ-ის საელჩო აქვეყნებს. მათივე ცნობით, სავიზო გასაუბრების შემდეგ, საქართველოს მოქალაქეებმა სავიზო დეპოზიტი 30 დღის განმავლობაში უნდა გადაიხადონ, რის შემდეგაც მიიღებენ აშშ-ში ერთჯერადად შესვლის ვიზას 3 თვემდე ვადით.

მათი ცნობით, გასაუბრების დროს საკონსულო ოფიცერი აცნობებს აპლიკანტს, აკმაყოფილებს თუ არა სავიზო მოთხოვნებს და მისცემს ინსტრუქციას, თუ როგორ უნდა გადაიხადოს ეს დეპოზიტი. განმცხადებლებმა არ უნდა გამოიყენონ მესამე მხარის ვებგვერდები დეპოზიტის გადასახდელად და არ უნდა გადაიხადონ დეპოზიტი მანამ, სანამ ამას საკონსულო ოფიცერი არ დაავალებთ. საქართველოს მოქალაქეებისთვის B1/B2 ვიზის გაცემა შეუძლებელი იქნება დეპოზიტის გადახდამდე. ეს მოთხოვნა მოქმედებს განაცხადის შეტანის ადგილის მიუხედავად. მეტი ინფორმაციისთვის დაააჭირეთ აქ.

2026 წლის 21 იანვრიდან აშშ-ის სახელმწიფო დეპარტამენტმა შეაჩერა იმ ქვეყნების, მათ შორის საქართველოს, მოქალაქეებისთვის ყველა საიმიგრაციო ვიზის გაცემა, რომელთა იმიგრანტებსაც აშშ-ის გადასახადის გადამხდელების ხარჯზე სახელმწიფო დახმარების გამოყენების მაღალი მაჩვენებელი აქვთ. აღნიშნული ქვეყნების მოქალაქეებს, კვლავ შეუძლიათ საიმიგრაციო ვიზაზე განაცხადის წარდგენა და გასაუბრებაზე დასწრება. ამასთან, სახელმწიფო დეპარტამენტი გააგრძელებს საკონსულო გასაუბრებების დანიშვნას.

აშშ-ის არასაიმიგრაციო ვიზის განმცხადებლებმა უნდა დაგეგმონ ვიზის გასაუბრება იმ ქვეყანაში მდებარე აშშ-ის საელჩოში ან საკონსულოში , სადაც ისინი ცხოვრობენ ან რომლის მოქალაქეებიც არიან. ვიზის განაცხადის საფასური არ ანაზღაურდება და ვერ გამოიყენება სხვა ქვეყანაში განაცხადის გადატანის შემთხვევაში. დამატებითი ინფორმაციისთვის ეწვიეთ შემდეგ travel.state.gov

H1-B, H-4, F, M ან J არასაიმიგრაციო ვიზების განმცხადებელ ყველა პირს ეძლევა ინსტრუქციები, რომ ყველა სოციალური მედიის ანგარიშის კონფიდენციალურობის პარამეტრი "საჯაროზე" შეცვალოს, რათა ხელი შეუწყოს მათი ვინაობისა და აშშ-ის კანონმდებლობის შესაბამისად შეერთებულ შტატებში შესვლის დაშვების დასადგენად საჭირო შემოწმებას.

პრეზიდენტის პროკლამაცია №10998-ის შესაბამისად, რომელიც ეხება უცხო ქვეყნის მოქალაქეთა შეერთებულ შტატებში შეჩერებას და შესვლის შეზღუდვასა აშშ-ის უსაფრთხოების დასაცავად და რომელიც ძალაში შევა 2026 წლის 1 იანვარს, აღმოსავლეთის სტანდარტული დროით (EST) დილის 00:01 საათზე, შეერთებული შტატები აჩერებს ან ზღუდავს შეერთებულ შტატებში შესვლას და ვიზების გაცემას 39 ქვეყნის მოქალაქეებისთვის, აგრეთვე იმ პირებისთვის, რომლებიც განაცხადს წარადგენენ პალესტინის ავტონომიის მიერ გაცემული ან დამოწმებული სამგზავრო დოკუმენტებით. პრეზიდენტის №10998 პროკლამაციის მოქმედების ქვეშ მყოფ აპლიკანტებს კვლავ შეუძლიათ ვიზის განაცხადების წარდგენა და დაგეგმილ გასაუბრებებზე დასწრება; თუმცა, შესაძლოა, მათ არ მიეცეთ ვიზის გაცემის ან შეერთებულ შტატებში შესვლის უფლება. დამატებითი ინფორმაციისთვის გთხოვთ ეწვიოთ ვებგვერდს: travel.state.gov

სახელმწიფო დეპარტამენტმა შეაჩერა მწვანე ბარათის საიმიგრაციო ვიზების გაცემა ყველა განმცხადებლისთვის, — წერია აშშ-ის საელჩოს მიერ გავრცელებულ ინფორმაციაში.