2025 წლის განმავლობაში საქართველოს მოსახლეობამ მობილურ კავშირგაბმულობაში რეკორდული მოცულობის თანხა ₾929 მლნ გადაიხადა, — კომუნიკაციების კომისიის 2025 წლის ანგარიშის შესახებ ცნობებს bm.ge აქვეყნებს.

მათი ცნობით, 2024 წელთან შედარებით, მობილური ოპერატორების შემოსავლები ₾63 მლნ-ით, ანუ 7%-ითაა გაზრდილი.

2025 წლის განმავლობაში მობილური ოპერატორების ფინანსური მაჩვენებლები ასე ნაწილდება:

მაგთი — ₾437 053 239, 2 445 653 აბონენტი, ბაზრის 41.4%, შემოსავლის ზრდა 6.6%;
სილქნეტი — ₾324 955 788, 2 118 229 აბონენტი, ბაზრის 35.9%, შემოსავლების ზრდა 6.7%;
სელფი მობაილი — ₾164 545 886, 1 343 263 აბონენტი, ბაზრის 22.7%, შემოსავლების ზრდა 10.5%.

ფინანსური მაჩვენებლების თანახმად, ყველა ოპერატორის შემთხვევაში გაზრდილია ერთი მომხმარებლიდან ერთი თვის განმავლობაში მიღებული შემოსავალი (ARPU), რაც ოპერატორებისთვის ერთ-ერთი ყველაზე მნიშვნელოვანი პარამეტრია.

2025 წლის დეკემბერში "მაგთის" ერთი აბონენტი კავშირგაბმულობაში თვის განმავლობაში 15.51 ლარს იხდიდა, რაც წლიურად 51 თეთრით არის მომატებული;

"სილქნეტის" ერთი აბონენტის საშუალო ხარჯი თვეში 13.33 ლარია, რაც 3 თეთრით არის გაზრდილი ერთი წლის ჭრილში;

"სელფი მობაილის" ერთი აბონენტის საშუალო თვიური ხარჯი 10.93 ლარია, რაც წლიურად 1.09 ლარით არის მომატებული. შესაბამისად, 2025 წელს ამ მაჩვენებლის გაუმჯობესება ყველაზე მეტად "სელფიმ" შეძლო, — წერს bm.ge.