"მოქმედი კომერციული ბანკები ვალდებული არიან, იმოქმედონ კონსტიტუციისა და კანონმდებლობით დადგენილი ნორმების შესაბამისად", — ასე უპასუხა საქართველოს ეროვნული ბანკის პრეზიდენტმა, ნათია თურნავამ დიდი ბრიტანეთის მიერ, სამთავრობო, პროპაგანდისტული ტელევიზიების "იმედისა" და პოსტვ"-ის დასანქცირებასთან დაკავშირებულ კითხვას.

მისი განმარტებით საქართველოში მოქმედი კომერციული ბანკები ქვეყნის კანონმდებლობით შექმნილ იურიდიულ პირებს წარმოადგენენ და მათი საქმიანობა საქართველოს კონსტიტუციასა და ეროვნულ კანონმდებლობას ექვემდებარება.

"ქვეყანაში მოქმედი კომერციული ბანკები წარმოადგენენ საქართველოს კანონმდებლობის მიხედვით შექმნილ იურიდიულ პირებს, რომელთა საქმიანობა ექვემდებარება საქართველოს კონსტიტუციასა და ეროვნულ კანონმდებლობას. იმ შემთხვევაში, თუკი წარმოიქმნება "კოლიზია" სხვა იურისდიქციაში მიღებულ ნორმატიულ აქტსა და საქართველოს კონსტიტუციასა და კანონმდებლობას შორის, მოქმედი კომერციული ბანკები ვალდებული არიან იმოქმედონ კონსტიტუციისა და კანონმდებლობით დადგენილი ნორმების შესაბამისად", — განაცხადა ნათია თურნავამ.

შეგახსენებთ დიდმა ბრიტანეთმა სამთავრობო პროპაგანდისტული ტელევიზიები "იმედი" და
"პოსტვ" 24 თებერვალს დაასანქცირა.

მეტი "იმედისა" და "პოსტვ"-ის სანქცირებაზე: