პროკურატურის ინფორმაციით, შინაგან საქმეთა სამინისტროს თანამშრომელს სამსახურებრივი უფლებამოსილების ბოროტად გამოყენებისთვის ბრალდება წარედგინა.

გამოძიებით დადგინდა, რომ დაცვის პოლიციის დეპარტამენტის ერთ-ერთი განყოფილების უფროსმა ტვირთვის გადაადგილების, მარშრუტის და კილომეტრაჟის შესახებ განზრახ არასწორი ინფორმაციის წარდგენის გზით, დამკვეთის სასარგებლოდ, მისი თანამშრომელი შეიყვანა შეცდომაში და არასწორი ინფორმაციის შემცველი ოფიციალური დოკუმენტი შეადგენინა, რითაც დამკვეთმა პირმა სახელმწიფო ბიუჯეტში გადაიხადა რეალურ თანხასთან შედარებით გაცილებით ნაკლები თანხა.

"გამოძიებით დადგინდა, რომ დაცვის პოლიციის დეპარტამენტის ერთ-ერთი განყოფილების უფროსმა, რომლის უფლებამოსილებაში არაგაბარიტული ტვირთების დაცვა და გაცილება შედიოდა, ბოროტად გამოიყენა სამსახურებრივი უფლებამოსილება - ტვირთვის გადაადგილების, მარშრუტის და კილომეტრაჟის შესახებ განზრახ არასწორი ინფორმაციის წარდგენის გზით, დამკვეთის სასარგებლოდ, მისი თანამშრომელი შეიყვანა შეცდომაში და არასწორი ინფორმაციის შემცველი ოფიციალური დოკუმენტი შეადგენინა, რითაც დამკვეთმა პირმა სახელმწიფო ბიუჯეტში გადაიხადა რეალურ თანხასთან შედარებით გაცილებით ნაკლები თანხა. აღნიშნულით კი არსებითად დაირღვა სახელმწიფოს კანონიერი ინტერესი," — ვკითხულობთ უწყების განცხადებაში.

დაკავებულს ბრალდება საქართველოს სისხლის სამართლის კოდექსის 332-ე მუხლის პირველი ნაწილით (მოხელის მიერ სამსახურებრივი უფლებამოსილების ბოროტად გამოყენება საჯარო ინტერესის საწინააღმდეგოდ, თავისთვის გამორჩენის მიზნით) წარედგინა, რაც სასჯელის სახედ და ზომად 3 წლამდე თავისუფლების აღკვეთას ითვალისწინებს.