17 ოქტომბერს სასტუმრო „თბილისი რუმსში“ Cat-ის ორი ახალი გამძლე სმარტფონის, Cat S31-ის და Cat S41-ის პრეზენტაცია გაიმართა. ღონისძიებაზე Cat-ის მობილური ტელეფონებისა ექსკლუზიურმა წარმომადგენელმა კომპანია „ქეთვეიმ“ საზოგადოებას Cat-ის გამძლე ტელეფონების ახალი სახე - დავით ქაცარავა წარუდგინა.

დავით ქაცარავა - მსახიობი, სამოქალაქო აქტივისტი, საქართველოს ჯომარდობის და კანოეს ფედერაციების პრეზიდენტია. „ქეთვეის“ გენერალური დირექტორის, ზაზა ასათიანის თქმით: „დათო ქაცარავას ცხოვრების წესი Cat-ის ფილოსოფიასთან იმდენად ახლოს დგას რომ გადავწყვიტეთ მისთვის შეგვეთავაზებინა ჩვენი სახე გამხდარიყო“

Cat S41-ის გაყიდვა უახლოეს დღეებში დაიწყება. სმარტფონს გააჩნია ენერგიის გაზიარების ფუნქცია, რომელიც წარმადი 5000 mAh ბატარეის საშუალებით სხვა მოწყობილობების დამუხტვას გულისხმობს. გარდა ამისა, Cat S41-ს აქვს Full HD ეკრანი, 13MP ძირითადი კამერა, 60 წუთის განმავლობაში 2მ სიღრმემდე წყალგაუმტარი და 1.8მ სიმაღლემდე დარტყმაგამძლე კორპუსი.

“ჩემი საქმიანობიდან გამომდინარე ხშირად ვარ ექსტრემალურ სიტუაციაში; ზოგჯერ შეიძლება რამდენიმე დღის განმავლობაშიც კი ვერ მოვახერხო ელექტროენერგიის წყაროსთან მოხვედრა. ჩემთვის ძალიან მნიშვნელოვანია გარესამყაროსთან შეუფერხებელი კავშირი. Cat უზრუნველყოფს ჩემს სიმშვიდეს, რადგან ვიცი რომ ბატარეა დიდხანს გამიძლებს, ხოლო ჩემს სმარტფონს წყალი, ან დავარდნა ვერ დააზიანებს“. ამბობს დავით ქაცარავა.

Caterpillar® 1925 წელს ამერიკაში დაარსდა. ის მსოფლიო ლიდერია სამშენებლო და საინჟინრო ტექნიკის წარმოებაში. 2012 წელს მისი ლიცენზიით Bullitt Group-მა დარტყმაგამძლე და წყალგაუმტარი მობილური ტელეფონების წარმოება დაიწყო. მას შემდეგ, CAT-ის მობილური ტელეფონები მთელი მსოფლიოს მასშტაბით ხარისხის და გამძლეობის ეტალონად ითვლება.