13 თებერვალს ემერალდ ფენელის ახალი ფილმი — Wuthering Heights (ქარიშხლიანი უღელტეხილი) — გამოვიდა, რომელშიც მთავარ როლს მარგო რობი ასრულებს. ფილმის პრემიერასთან დაკავშირებით, რობიმ და მომღერალმა Charli XCX-მა ინტერვიუში ყველაზე უცნაური და უსიამოვნო საჩუქრები გაიხსენეს, რაც ოდესმე მიუღიათ.

ფოტო: Complex

მარგომ აღნიშნა, რომ კარიერის დასაწყისში ერთ-ერთმა მსახიობმა კაცმა მას საკმაოდ შეურაცხმყოფელი საჩუქარი გადასცა:

"კარიერის ძალიან ადრეულ ეტაპზე, კაცმა მსახიობმა, რომელთან ერთადაც ვმუშაობდი, მაჩუქა წიგნი სახელწოდებით "რატომ არ სუქდებიან ფრანგი ქალები". წიგნი პირდაპირ მიგითითებდა, რომ ნაკლები უნდა გეჭამა", — იხსენებს რობი.

ფოტო: Warner Bros. Pictures

მარგოს თქმით, ეს შემთხვევა ძალიან დიდი ხნის წინ მოხდა და წარმოდგენა არ აქვს, სად არის ან რას აკეთებს ეს მსახიობი დღეს, მაგრამ საჩუქარმა, რომელიც ფაქტობრივად ეუბნებოდა, რომ წონაში უნდა დაეკლო, ძალიან გააკვირვა.

ჩარლიმ, რომელმაც ქარიშხლიანი უღელტეხილის ფილმისთვის ორიგინალი მუსიკა შექმნა, ინტერვიუს კითხვას შემდეგნაირად უპასუხა: "ერთხელ პატარა, ყელზე ჩამოსაკიდი ქილა მაჩუქეს, რომელშიც ჩემი ფანის გარდაცვლილი დედის ფერფლი იყო მოთავსებული. არ ვიცოდი, რა მექნა."

ემილი ბრონტეს რომანის ახალ ეკრანიზაციაში მარგო რობის პარტნიორი ახალგაზრდა მსახიობი ჯეიკობ ელორდია. ფილმის რეჟისორი ემერალდ ფენელი მაყურებლისთვის კარგად არის ცნობილი თავისი ბოლო, გახმაურებული ნამუშევრით — Saltburn.

ასევე იხილეთ: