როგორც აღმოჩნდა, წლევანდელი ზამთრის ოლიმპიადა არ არის ჩვეულებრივი სპორტული ტრანსლაცია. 2026 წლის მილანი–კორტინას ზამთრის ოლიმპიადა ოფიციალურად გადაიქცა რეალითი შოუს მსგავსი დრამის, უცნაური სამეცნიერო ჭორებისა და წვრილმანი დანაშაულების ქარიშხლად. სანამ მსოფლიო მსოფლიო რეკორდებს ადევნებს თვალს, ინტერნეტი მთლიანად იმითაა დაკავებული, რა ხდება კულისებში.

ამ სტატიაში მოვაგროვეთ 2026 წლის თამაშების ყველაზე უცნაური, ყველაზე ქაოტური და ყველაზე ვირუსული მომენტები:

1. შტურლა ჰოლმ ლაგრეიდის საჯარო "სოციალური სუიციდი"

რაც უკვე ოლიმპიადის ისტორიაში ყველაზე უხერხულ პოსტ-სარბოლო ინტერვიუდ არის მონათლული, ნორვეგიელმა ბიატლონისტმა შტურლა ჰოლმ ლაგრეიდმა 10 თებერვალს ბრინჯაოს მედლის სამადლობელი პლატფორმა "სოციალური სუიციდისთვის" გამოიყენა. მწვრთნელებისთვის მადლობის გადახდის ნაცვლად, მან NRK-ის კამერებს თვალი გაუსწორა და აღიარა, რომ ცოტა ხნის წინ შეყვარებულს უღალატა (და ძალიან ნანობს).

მისი ყოფილი პარტნიორი ამან არ აღაფრთოვანა. ნორვეგიულ გამოცემა VG-სთან საუბარში თქვა, რომ ასეთი საჯარო განცხადება "ძნელად საპატიებელია" და გააკრიტიკა სპორტსმენი, რომელმაც გლობალური ყურადღების ცენტრში მოაქცია. მოგვიანებით ლაგრეიდმა ბოდიში მოიხადა, რომ თავისი პირადი დრამით თანაგუნდელების გამარჯვებები გადაფარა.

2. Penisgate — აეროდინამიკური ინექციები?

ამაზე ჩვენც ვწერდით, ყველაზე უცნაური ტექნიკური სკანდალი ეხება სათხილამურო ნახტომში მონაწილე კაც სპორტსმენებს და ჰიალურონის მჟავის ინექციების შესახებ ბრალდებებს. ჭორის მიხედვით, სპორტსმენები თითქოს საზარდულის ზონის გაზრდას ცდილობენ, რათა 3D სხეულის სკანერებს უფრო დიდი და უფრო ფართო ფორმის დაშვების ნებართვა "დასცინცლონ". ზედმეტი ქსოვილი ჰაერში აფრის როლს ასრულებს და დამატებით ამწევ ძალასა და მანძილს იძლევა. მიუხედავად იმისა, რომ საერთაშორისო სათხილამურო ფედერაცია (FIS) ამას ჭორად მიიჩნევს, ის ფაქტი, რომ მსოფლიო ანტიდოპინგურ სააგენტოს (WADA) "საზარდულის ზონის მანიპულაციაზე" კომენტარის გაკეთება მოუწია, ამ თემას ოლიმპიურ სოფელში ერთ-ერთ მთავარ სასაუბრო თემად აქცევს.

3. LEGO-ს ქურდი ოქროს იგებს

ფრანგი ბიატლონისტი ჟულია სიმონი პოდიუმზე გამარჯვებებს აგროვებს, თუმცა ამას აკეთებს, როგორც უკვე ნასამართლევი პირი. 2025 წლის ოქტომბერში ის დამნაშავედ ცნეს საკუთარი თანაგუნდელის საკრედიტო ბარათის მონაცემების მოპარვასა და 2 300 დოლარზე მეტი ღირებულების ტექნიკის და LEGO-ს ნაკრების შეძენაში. როცა მან მილანში ოქრო მოიგო, სიმბოლურად ტუჩებთან თითი მიიდო, თითქოს კრიტიკოსებს აჩუმებდა, მაგრამ ინტერნეტს არაფერი გამოპარვია.

4. დაძაბული ქერლინგი

ქერლინგი, როგორც წესი, "ყველაზე თავაზიან სპორტად" ითვლება, მაგრამ წელს ეს იმიჯი შეიცვალა. კანადის ორივე, ქალების და კაცების ქერლინგის გუნდი (კანადელი ვარსკვლავებით: მარკ კენედი და რეიჩელ ჰომანი) კრიტიკის ქვეშ მოექცნენ იმის გამო, რომ ქვის გაშვების შემდეგ თითქოს მეორედ და უკანონოდ შეეხნენ მას. დაძაბულობამ პიკს მაშინ მიაღწია, როცა კენედი მიკროფონში შვედეთის გუნდს უყვიროდა, შედეგად ოფიციალური გაფრთხილება და ყინულზე აშკარად დაძაბული ატმოსფერო მივიღეთ.

5. ტექნიკური პრობლემები და დეფიციტები ოლიმპიურ სოფელში

ამერიკელმა ოქროსმედალოსანმა ბრიზი ჯონსონმა და ფიგურულმა მოციგურავემ ალისა ლიუმ განაცხადეს, რომ მათ მედლებს ლენტები ფაქტობრივად მოწყდა. "დამზადებულია იტალიაში"-ს ნიშნით შექმნილი ატრიბუტიკა, როგორც ამბობენ, იმდენად მყიფეა, რომ რამდენიმე სპორტსმენს ჩანაცვლება მოუხდა.

კონდომების კრიზისი: მიუხედავად იმისა, რომ ეს ქალაქი მოდისა და რომანტიკის სიმბოლოდ ითვლება, ოლიმპიურ სოფელში 10 000 უფასო კონდომი პირველივე სამ დღეში ამოიწურა. სპორტსმენებმა ტიკტოკზე "ვალენტინობის კვირის დეფიციტზე" დაიჩივლეს და პრეზერვატივების რაოდენობა პარიზი 2024-ის 300 000 კონდომს შეადარეს.

6. ფიგურული სრიალის ფეშენ-ვიქი

ფიგურული სრიალის არენაზე ერთ-ერთი ყველაზე განხილვადი ფიგურა საერთოდ არ არის სპორტსმენი, ეს არის ფრანგი ქორეოგრაფი ბენუა რიშო, რომელიც ამ ოლიმპიადაზე ერთდროულად მუშაობს 13 სხვადასხვა ქვეყნის წარმომადგენელ 16 სპორტსმენთან.

შედეგად, მაყურებელს ხშირად ეჩვენება, რომ სადაც არ უნდა გაიხედოს, ის ყველგანაა: ერთ გამოსვლაზე კანადელ სპორტსმენს ეხმარება, შემდეგ გამოსვლაზე ესპანელს, შემდეგ კი უკვე სხვა გუნდის გვერდით დგას.

ყველაზე ვირუსული კი გახდა მისი "სწრაფი გარდაქმნების" ვიდეოები: რიშო ყველა სპორტსმენის გვერდით სწრაფად იცვლის ქურთუკს და კადრში ისე ჩნდება, თითქოს ერთდროულად ყველა დელეგაციის წევრია.

7. და ბოლოს, კარგი ამბავი: ისტორიაში პირველად საქართველომ ზამთრის ოლიმპიადაზე მედალი მოიპოვა

ლუკა ბერულავას და ანასტასია მეტელკინას სპორტულმა წყვილმა ინდივიდუალურ ასპარეზობაში ორი პროგრამის ჯამში 221.75 ქულა დააგროვეს და ვერცხლის მედალს დაეუფლნენ, რაც საქართველოს ისტორიაში პირველი მედალია ზამთრის ოლიმპიურ თამაშებზე.

მილანი-კორტინას ზამთრის ოლიმპიური თამაშები რამდენიმე დღეში დასრულდება, თუმცა მისი ყველაზე უცნაური ისტორიები ინტერნეტში კიდევ დიდხანს იცოცხლებს.