ვალენტინობის კვირას მილანო-კორტინას ზამთრის ოლიმპიური თამაშების მონაწილეები ნამდვილი ოლიმპიური შემართებით შეხვდნენ. ოლიმპიადის ორგანიზატორების მიერ დარიგებული 10 000 უფასო პრეზერვატივის მარაგი 14 თებერვალს სრულად ამოიწურა, მიუხედავად იმისა, რომ თამაშების დასრულებამდე კიდევ ერთ კვირაზე მეტია დარჩენილი.

უფასო პრეზერვატივების დარიგება ოლიმპიადის მრავალწლიანი ტრადიციაა, რომლის მიზანიც ახალგაზრდა სპორტსმენებს შორის უსაფრთხო ურთიერთობების წახალისებაა.

ზამთრის ოლიმპიური თამაშები

ზამთრის ოლიმპიური თამაშები

ფოტო: Getty Images

"აშკარაა, რომ ოლიმპიურ სოფელში ვალენტინობის დღესასწაული სრული დატვირთვით მიმდინარეობს" — იხუმრა საერთაშორისო ოლიმპიური კომიტეტის წარმომადგენელმა, მარკ ადამსმა, შაბათს გამართულ პრესკონფერენციაზე. "10 000 პრეზერვატივი უკვე გამოყენებულია, ოლიმპიადაში 2 800 სპორტსმენი მონაწილეობს — დანარჩენი თქვენ თვითონ დაითვალეთ."

თავად სპორტსმენები მომხდარით გაოცებულნი არიან — მექსიკელმა მოციგურავემ, დონოვან კარილიომ, აღნიშნა: "ამის შესახებ დილით შევიტყვე და ყველას მსგავსად, მეც შოკირებული ვიყავი".

მადაგასკარელმა მოთხილამურემ, მიალიტიანა კლერკმა კი დაადასტურა, რომ მის საცხოვრებელ კორპუსში პრეზერვატივების მარაგი მთლიანად გაქრა: "ყველა შენობის შესასვლელში უამრავი ყუთი იდგა, თუმცა ისინი ყოველდღიურად იცლებოდა". კლერკის თქმით, ბევრი სპორტსმენი მათ არა მხოლოდ პირადი მოხმარებისთვის იყენებდა, არამედ მეგობრებსაც კი ჩუქნიდა.

პრეზერვატივების ყუთი 2024 წლის ოლიმპიურ თამაშებზე

ფოტო: Maja Hitij/Getty Images

ოლიმპიურ თამაშებზე პრეზერვატივების დარიგება 1988 წლის სეულის ოლიმპიადიდან დაიწყო, აივ ინფექციისა და შიდსის შესახებ ცნობიერების ამაღლების მიზნით. მას შემდეგ ციფრები თანდათან იზრდება:

  • 2022 წლის ბირმინგემის თამაშებზე მონაწილეებს 150 000 პრეზერვატივი დაურიგეს;
  • 2020 წლის ტოკიოს ოლიმპიურ თამაშებზეც 150 000 უფასო პრეზერვატივი დარიგდა, თუმცა კოვიდის შეზღუდვების გამო, ორგანიზატორებმა სპორტსმენებს მათი გამოყენებისგან თავის შეკავება სთხოვეს.

საინტერესოა, რა მოხდება შემდეგ თამაშებზე — გაიზრდება მარაგის ოდენობა თუ სპორტსმენები კვლავ დეფიციტის წინაშე აღმოჩნდებიან?