ოცნების ხელისუფლებამ ეუთოს "მოსკოვის მექანიზმის" ფარგლებში შექმნილ ექსპერტთა მისიაში თავისი ექსპერტი არ წარადგინა. ამის შესახებ ინფორმაცია თავდაპირველად "ფორმულამ" გაავრცელა, შემდეგ კი "ნეტგაზეთს" ეუთო/ოდირშიც დაუდასტურეს.

"ექსპერტთა მისიამ დაიწყო თავისი საქმიანობა და 24 თებერვალს დაასრულებს. მოსკოვის მექანიზმის პირობების შესაბამისად, სახელმწიფოს, რომლისგანაც მოითხოვეს ინფორმაცია – ამ შემთხვევაში საქართველო – ასევე შეუძლია ექსპერტის წარდგენა. ამ შემთხვევაში ეს არ მომხდარა“, — განაცხადეს ODIHR-ში."

შეგახსენებთ, რომ დიდმა ბრიტანეთმა და კიდევ 23-მა ქვეყანამ, საქართველოში ადამიანის უფლებების მდგომარეობის გაუარესებასთან დაკავშირებით ექსპერტთა მისიის შესაქმნელად, ეუთოს "მოსკოვის მექანიზმი" 29 იანვარს გაააქტიურა, "რათა შეაფასონ საქართველოს მიერ ეუთოს წინაშე არსებული ვალდებულებების შესრულება, განსაკუთრებული ყურადღება 2024 წლის გაზაფხულიდან განვითარებულ მოვლენებზე გაამახვილებენ".