ოცნების პარლამენტის თავმჯდომარე, შალვა პაპუაშვილი BBC-ის საჩივრის პასუხზე კომენტარი გააკეთა. პაპუაშვილის განცხადებით, "BBC-ის დიდი იმედი არ ჰქონდათ" და ბრიტანეთის სამართლებრივი პროცედურებიდან გამომდინარე უცხოურ ტელეკომპანიას საჩივრით ხელმეორედ მიმართავენ.

"რამდენიმე დღის წინ მივიღეთ მათი პასუხი. რა თქმა უნდა, მათ წინასწარვე ჰქონდათ თავისი პოზიცია გამჟღავნებული, რომ ისინი არ აპირებენ გადახედონ თავიანთი ჟურნალისტების საქმიანობას. ჩვენ მივყვებით ამ პროცედურებს, იურისტები საპასუხო მიმართვაზე უკვე მუშაობენ, რომელიც ბრიტანეთის კანონმდებლობიდან გამომდინარე კვლავ BBC-ში უნდა გავასაჩივროთ ეს საკითხი.

ჩვენ რა თქმა უნდა BBC-გან დიდი იმედი არ გვქონდა, როდესაც ასეც ფალსიფიკაციას მხარს უჭერ და აქვყენებ, რომ შემდეგ საკუთარ თავს დააბრალებდნენ რამეს, თუმცა ჩვენ ამიტომაც მივყვებით ყველა პროცედურას, რომელიც საბოლოო ჯამში გამოცდილება გვეუბნება, სადაც რონელიმე უცხო სახელმწიფო ან ორგანიზაცია შეეჭიდა სააქართველოს ყველგან დამარცხდა — ასე რომ აქაც ნახავთ მწარე მარცხს," — განაცხადა პაპუაშვილმა.

შემდეგ პაპუაშვილმა დასძინა, რომ "რაც უფრო გაჯანჯლავენ" სამართლებრივ პროცესს, მით უფრო მეტად მოუწევთ პასუხის გება და სტრასბურგის სასამართლოში "ბრიტანეთის სახელმწიფო ქართულ ოცნებასთან დამარცხდება".

"რაც უფრო გაძალიანდებიან, მით უფრო დააზიანებენ საკუთარ თავს, წინ არის სხვა პროცედურები, სადაც უფრო მეტად მოუწევთ პასუხის გება ვიდრე აქამდე იყო მათ შორის სტრასბურგის სასამართლოს ჩათვლით, სადაც მოპასუხე იქნება ბრიტანეთის სახელმწიფო და სახელმწიფო დამარცხდება ქართულ ოცნებასთან. ჯობია აქვე დამორჩილდნენ ჭეშმარიეტბას და აღიარონ რაც დააშავეს, ვიდრე გააჯანჯლონ და ბოლოს უფრო დიდი ზიანი მიიღონ," — თქვა პაპუაშვილმა.

შეგახსენებთ, BBC ტელეკომპანია ფორმულასთან აცხადებს, რომ "ქართულმა ოცნებას" ოფიციალურ საჩივარზე კითხვებზე პასუხი უკვე გასცა.

მიმდინარე წლის 15 იანვარს, ოცნების პარლამენტის თავმჯდომარემ, შალვა პაპუაშვილმა ბრიფინგზე თქვა, რომ პარტია ქართული ოცნება — დემოკრატიულმა საქართველომ 14 იანვარს ოფიციალური საჩივრით მიმართა BBC-ის საქართველოში პროტესტის მონაწილეების წინააღმდეგ, სავარაუდოდ, ქიმიური იარაღის გამოყენებასთან დაკავშირებული ფილმის საქმეზე.