ოსკარზე ნომინირებული ფილმის It Was Just an Accident-ის ("უბრალოდ შემთხვევა") ერთ-ერთი სცენარისტი მეჰდი მაჰმუდიანი აკადემიის დაჯილდოებამდე რამდენიმე კვირით ადრე, მას შემდეგ დააკავეს, რაც მან ხელი მოაწერა განცხადებას, რომელშიც ირანის უზენაესი ლიდერი ალი ხამენეი ქვეყანაში ბოლო პერიოდში განვითარებულ მოვლენებშია დადანაშაულებული. ამის შესახებ ინფორმაციას The Guardian ავრცელებს. მათ ცნობით, ადამიანის უფლებათა დამცველი მეჰდი მაჰმუდიანი 31 იანვარს დააკავეს.

ამ განცხადებაში ნათქვამია, რომ "ამ სისასტიკეების მთავარი პასუხისმგებლობა ეკისრება ისლამური რესპუბლიკის ლიდერს, ალი ხამენეის და რეჟიმის რეპრესიულ სტრუქტურას".

ამას გარდა, დააკავეს განცხადების 17 ხელმომწერიდან კიდევ ორი — ვიდა რაბანი და აბდულა მომენი. ხელისუფლებას ჯერჯერობით დაკავებულთა წინააღმდეგ წაყენებული ბრალდებების შესახებ ინფორმაცია არ გაუვრცელებიათ.

ფილმი, რომელმაც 2025 წელს კანის კინოფესტივალზე ოქროს პალმის რტო მოიგო, ოსკარზე საუკეთესო საერთაშორისო ფილმისა და საუკეთესო სცენარის ნომინაციებშია წარდგენილი. ოსკარის დაჯილდოება 15 მარტს გაიმართება.

ფილმი მოგვითხრობს ირანელი ყოფილი პოლიტპატიმრების ჯგუფზე, რომლებსაც ვერ გადაუწყვეტიათ იძიონ თუ არა შური იძიონ კაცზე, რომელმაც, ისინი ციხეში აწამა.

ჯაფარ ფანაჰი

ჯაფარ ფანაჰი

ფოტო: Clemens Bilan/EPA

მაჰმუდიანი აქამდე ცნობილი იყო, როგორც ჟურნალისტი და ადამიანის უფლებათა დამცველი. ის ციხეში შეხვდა ცნობილ ირანელ რეჟისორს, ჯაფარ ფანაჰის. Guardian-თან გაკეთებულ განცხადებაში, ფანაჰიმ შეაქო მაჰმუდიანის საქციელი და "სხვების მიმართ მისი იშვიათი პასუხისმგებლობის გრძნობა".